بحبك يا بلادى

فليأخذ ابناء مصر راحة ولا يفكرون فى مستقبلها لأن هناك من هو كفيل وضامن وحامى ايضا كما يزعم.......,
راحة فى المنزل افضل بكل تأكيد ممن راحة فى السكن العسكرى لا تقلق لن يأخذك ظباط امن الدولة بل ستكون فى السجن او نقول السكن العسكرى الذى اصبح يسكن شعب مصر بأكمله , ستعرض على قاضى عسكرى لأنك بلطجى وقلت رأيك وحرضت غيرك من المخربين على اعمال التخريب واقتحام سفارات الدول الشقيقة.....وعجبى


لا تقلق فقد اكون معك فى السكن باعتبار كلماتى محرضة على اعمال الشغب.
نثق فيهم؟
نعم ولكن نثق فيهم فقط فى الناحية العسكرية والحرب والتأمين الخارجى بدليل مقتل الستة جنود على حدودنا مع اسرائيل -اللى مخدتش بالها واعتذرت-


ليس هجوما بل استفسار مواطن يوجهه للقائمين على حكم بلدى:
مين سمح للجمل يدخل الميدان؟
مين اللى ساب بعض الاشخاص بالتعدى على سفارة الدولة الشقيقة؟
مين اللى ضرب الناس فى العباسية؟
مين اللى لغى منصب وزير الاعلام ورجعه عشان يبقى صوته ؟
مين اللى قال الفترة ديه اسمها فترة انتقالية وهنسلم البلد بعد 6 شهور واحنا فى الشهر الثامن اهو ويا عالم؟
........
يا ريت كان فضل مبارك عشان يبقى الشماعة اللى هنعلق عليها اجابة كل الاسئلة اللى فاتت!!


هعتبر انى فهمت غلط وبسمع زى ناس كتييير لفضائيات مغرضة طب فين الصح اطلع وقولى  ولكن فى صمت وكأننا فى لجنة امتحان وهنغش منكم ....بس يا ترى مين هيجيب درجة اعلى والتاريخ يقول انه نجح..!


فلتكن انتقالية كما زعم الكثير ولكن لتكن انتقالية على الطريقة الليبية التى يتبعها المجلس الانتقالى الليبى الذى حصل على التأييد و الشرعية داخل ليبيا وخارجها وتمكن من استرداد بعض من اموال المخلوع -يا راجل دول بيتكلموا عن اعمار ليبيا واحنا لسة بنفرض قانون الطوارئ عشان ننقذ البلد زى ما قالوا-


كم بلد تسيطر على امنها دون اللجوء لقانون الطوارئ؟
ليه لو شايف ان قانون الطوارئ هيسطر على الأمن ليه مش فرضته من اول مامسكت الحكم وكان زمانك مسلم البلد للريس الجديد من غير بلطجية او قانون طوارئ؟ -ايه كنت بتضحك علينا وسايبنا نلعب شوية-


نحن على اشراف انتخابات برلمانية ,هل هتكمل على خير ولا....؟ مش عارف
وربنا يوفق مصر واحضر اليوم اللى انتخب فيه رئيس لبلدى مدنى حر قولوا آميـــــــــــــــن!


اذا كان الخير لمصر على ايديكم فليكن هذا لصالح مصر